Die twee bekendste publikasies van Isak Burger is seker die oor vyf minute voor en na die dood, wat sedert 2009 ook in ’n enkele band beskikbaar is; en daarby ook in Engels. Dit word as sy "trefferboeke" aangebied. Drie jaar gelede al is beweer dat meer as 120 000 eksemplare verkoop is. Die tantieme het seker handig te pas gekom toe hy dit nodig gevind het om drie motorfietse vir eie gebruik aan te skaf. Hy verseker sy lesers egter dat "God nie ’n probleem met rykdom het nie" (p 162). 

Ek het Burger se opvattings oor die dood op 28.04.2011 op SêNet bespreek. Dit is ’n onderwerp waaroor daar baie is wat hy glo, maar hy het geen kennis van wat na die dood met iemand gebeur nie. Ek het ook aangedui dat wat hy glo, bevraagteken kan word: "Burger verwar Christus se indiwiduele opstanding [voor die hemelvaart] met sy [moontlik toekomstige] wederkoms en die gepaardgaande algemene herskepping en opstanding van liggame."

Johannes Comestor 

Trienie

Ek woon in Knysna en beplan ’n ekskursie Hel toe en terug en ek het besluit om Andre P Brink se Duiwelskloof weer te lees voor ek gaan. 

Dis regtig lekker om in die werklikheid te leef – jy moet dit tog probeer.

Thomas

Trienie, feitlik al jou begrippe en konsepte is totaal van die spoor af. Net enkeles:

sheol is nie die Hebreeuse woord vir hel nie. Dit beteken doderyk of plek van die dooies. Dit is later deur die vroee kerkvaders verwring.

Hades verskyn net een keer in die NT – in Openbaring en die beweerde skrywer van daai boek het op – Griekse eiland gebly (Mooi eiland Patmos,  ek was al daar).

Daar word deur sommiges aangevoer dat die Hebreeuse woord "gehenna" in die NT na die hel verwys, maar ook dit is – verwringing want Gehenna was die plek buitekant Jerusalem waar dooies begrawe is.

Die konsep van – hemel en hel – kom oorspronklik van die Zoroastrinaisme en is via die Mithraisme in die Christendom opgeneem – omtrent so 300 jaar plus nC. Eintlik beter om te stel dat die Christendom hierdie idee ook van die Mitraisme gesteel het – nes die geboortedatum van Jesus, die maagdelike geboorte en ook die "nagmaal" –  die M's het net – bul se bloed gedrink en sy vleis geeet – nie – mensgod of godmens s– nie. 

Die verhaal van Lasarus en die ryk man in die "doderyk" was – gelykenis  nie – eksakte beskrywing deur Jesus (indien dit dan sy storie was) nie. Die ding is deur die einste Isak Burger in sy liegstories oor die hel verwring en verdraai om mense die skrik op die lyf te jaag dat daar – hemel en – hel is. Jy moet die storie weer gaan lees: die rykman sit oor – kloof en kyk waar Lasarus in die koelte langs Abraham sit en hy gesels dan sommer so oor die kloof met Abraham.  Sy storie dat dit so warm is, is – tipiese  na C idee van die vurige hel en daarom die vraagteken oor of dit werklik Jesus se storie was.

Slotwoord: die "ewigheid" sal hier op aarde hoogstens so bietjie meer as 4 miljard duur – tensy – groot stuk rots ons voor die son se "ontploffing" in ons ewigheid instuur – "so to speak"!

TH

Pretoria

Trienie, hier is ’n voorbeeld van die gebruik van die woord 'Sheol' uit Genesis 37:

34 Toe skeur jakob sy klere en trek ’n roukleed om sy heupe, en hy het oor sy seun gerou, baie dae lank. 35 En al sy seuns en al sy dogters het moeite gedoen om hom te troos, maar het geweier om hom te laat troos en gesê: Nee, treurende sal ek na my seun in die doderyk [Sheol] afdaal! So het sy vader hom dan beween.

Dit is natuurlik die nuus van Josef se dood, verskeur deur ’n wilde dier, en ’n leun vertel deur sy seuns, waarna hierdie episode verwys. Volgens jou idee van Sheol is ons nou veronderstel om te dink dat Jakob hel toe wil gaan waar hy kan brand vir ewig. ’n Idee so absurd dat ek nie kan glo dis moontlik om eers te oorweeg nie. As jy egter die verwysing na Sheol sien as doodeenvoudig ’n verwysing na die dood/doderyk waarna almal, goed en sleg, op pad heen is, maak dit sin.

Hier is wat ek dink van jou verwysing na Sheol: Jy lees die Afrikaanse Bybel, die NLT en dalk die KJV. In nie een van hierdie vertalings kom die woord Sheol voor nie. Die NKJV vertaal 'Sheol' in bogenoemde gedeelte as 'grave', maar gebruik 'Sheol' (slegs 18 keer) op ander plekke waar dit geïnterpreteer kan word om te verwys na ’n hel vir sondaars. Die Nuwe Vertaling gebruik dieselfde taktiek en gebruik die woord 'doderyk'. Ek het Gen. 37 aangehaal uit die ou (goeie) vertaling in Afrikaans. As jy gaan kyk na die Nuwe Vertaling gaan jy afkom op ’n "spin" wat jou sal dronk maak.

Ek sal baie verbaas wees as jy al ooit self afgekom op die woord in jou lees van die Bybel. Wat baie meer waarskynlik is, is dat iemand, in die vorm van ’n KdK, hierdie bietjie inligting aan jou oorgedra het. Ek laat vir jou hier onder ’n skakel na die 'Blue Letter Bible' op die internet en dan kan jy vir jouself gaan kyk in die Bybel of hierdie verse sê wat jy dink dit sê.

Laastens, moet jy die punte wat Brian hierbo noem ernstig opneem. Kan dit wees, glo jy dit werklik in jou hart, dat die Christen God so wraaksugtig is dat hy enige iemand, maak nie saak hoe sondig, sal wil laat brand vir ewig? Het elke mens op aarde, behalwe miskien psigopate, hoër morele standaarde as hierdie god van jou? Ter wille van jou kinders, gaan lees jou Bybel versigtig, en raak ontslae van hierdie walglike doktrine van ’n hel. Dit gaan nie van jou vra dat jy jou geloof prysgee nie.

Chris

Jammer, ek het die skakel vergeet:

http://www.blueletterbible.org/