Ek sien daar is baie slimmer as ek slim Netters wat "verskil" oor die term ligjare. Ek het 'n boek van Gideon Joubert probeer lees. Dit het my 'n hele paar Rand biblioteekboetes gekos en het ek uiteindelik die boek gaan terug gee. Ek het tot die besef gekom dat daar baie slimmer mense is wat hulle lewens tyd en energie toespits op die ontstaan van die heelal. Ek het ongelukkig nie daardie drif of energie om die skepping en die tyd voor die skepping te probeer verstaan, navors of te ontleed nie.

In die boek haal Joubert iemand aan wat sou sê: "Dit is makliker om aan/in God te glo as om die wetenskap van die skepping te probeer bepaal of te verstaan."

Gelukkig verlustig ek my aan die skepping en wat geskape is. Of dit 'n wolk is of 'n by. Ek staan verstom. Ek bevraagteken egter 'n vlieg en muskiet. Hulle pas ook iewers in die voedselketting en is ek ongelukkig hoog op die muskiet se voedselketting.

Om oor die ligjare iets te noem. Almal het dit seker al gehoor, maar ek lag elke keer my stert af oor enige simpel grap en ook oor die een. Die twee dollas bly in Bobbejaansburg. Hulle tel toe stry op oor wat is die verste, die maan of Durban. Nee hak die een af, Durban is by verre die verste. Hoe dan nou vra die ander een. Nee jou domme antwoord haar maatjie, jy kan mos nie Durban van hier af sien nie.

Reusedwerg