Dit sal baie moeilik wees om te bepaal wat invloed, indien enige, Vlaams op die ontstaan van Afrikaans gehad het. In die Middeleeue en lank daarna was die tale in die Nederlande nog nie gevestig soos vandag nie. Dit was 'n taamlike mengelmoes van verskillende dialekte, waarin Duits van destyds in die ooste en Frans ook, in die suide, hul rolle gespeel het. Of Vlaams (onder daardie naam) toe al bestaan het, kan ek nie sê nie. Die taal van Jan van Riebeeck verskil ook baie van moderne Nederlands. Let bv op die groot verskil tussen Shakespeare se Engels en moderne Engels.

Die feit is egter dat die VOC in Nederland gesetel was en nie in die moderne België nie. Help my reg vir sover ek verkeerd is. Daarby is die Kaapse koloniste opgelei in Nederlands, veral met die Statebybel as bron, dws in Hooghollands, soos dit toentertyd daaruit gesien het.

Vandag steeds is Nederlands, Frans en Duits amptelike tale van België, nie Vlaams nie. Vlaams is blykbaar net 'n spreektaal, die amptelike weergawe is Nederlands.

(Die VOC was 'n magtige maatskappy en is deur die State-Generaal 'n 21 jaar monopolie gegee om koloniale aktiwiteite in Asië uit te voer. Dit was dalk die eerste multi-nasionale korporasie in die wêreld en ook die eerste megakorporasie, met kwasi-regeringsmagte.

Hulle het al hul mededingers in die skadu gestel. Tussen 1602 en 1796 het die VOC byna 'n miljoen Europeërs gestuur om in die Asiese handel te werk, met 4785 skepe en hulle het 2,5 miljoen ton handelsgoedere ingewin. Die res van Europa het net 882412 mense gestuur van 1500 tot 1795 en die Engelse Oos Indiese Maatskappy was ver agter met net 2690 skepe en 'n skamele vyfde van die tonnemaat gedra deur die VOC - aldus Wikipedia.)

Groete,

Varkspek