Hier's nege haikoe (of sê mens haikoes?). Laaste twee veral vir Pieter Redelinghuys en Thomas.
1
Die reuk van koerant
meng met die brommergeluid
buite draai 'n valk
2
Die skuimpies gly af
en die beker se bodem
draai die wêreld om
3
Akkedis staar stip
maar mot sit sonder kommer
en verdwyn krakend
4
Die spanningslyn styg
en klim en styg en klim tot
die kat knor en blaas
5
Die vuurhoutjielig
teken verkeerde gesig
onnie se lat brand
6
Reuk van leer en sweet
bring donker rus en vrede
ses sewe agt uit
7
Hardloop soos die wind
deur opkikker of eet van
verbode vrugte
8
Voete vrot geskiet
in die hoekie toegeverf
maar vors bly getof
9
Die vryvoëls sing
jubelend oor bevryding
die wingerde brand
Jan Rap