… in die opsig dat, lyk dit my, enige ou 'n fliek kan maak; jy hoef nie navorsing te doen nie (en as jy 'apartheid' aanval kom jy met enigiets weg). In hierdie fliek byvoorbeeld praat Afrikaners met mekaar in 'n soort van 'n Australies-Nieu-Seeland-aksent. Dit getuig weer eens van 'n haastige storie, so al asof die fliek in opdrag van een of ander bevrydingsbeweging gemaak is; die regisseur se hart was beslis nie in die storie nie of hy is 'n volslae amateur.

As Charlize Theron die Amerikaanse aksent onder die knie kon kry kan die regisseur darem meer moeite gedoen het om sy akteurs met 'n Afrikaanse aksent te laat praat. Dis mos nie so moeilik nie; die ouens word betaal, 'n akteur moet mos moeite doen om sy karakter te vertolk of hoe? Terloops, ek kan ook nooit verstaan hoekom, byvoorbeeld in baie oorlogflieks, 'n klomp Duitsers met mekaar Engels praat met 'n Duitse aksent nie waar in jou lewe.

En die prof se lesing: Plaas dat hulle 'n ou laat Afrikaans praat en dan kon William Hurt net sy mond beweeg en hulle kon Engelse onderskrifte bygesit het. Aan die ander kant nou weer, hierdie amateuragtigheid is goed want dit reflekteer uitstekend die absolute tjol wat die fliek wel is.

En natuurlik, hoe slegter dit in die land gaan, hoe meer word gewaande ou koeie uitgegrawe. Soos ek lankal al gesê het, hierdie goed gaan al hoe meer volop raak.

Jan Rap