Hi Karin

Ek is 33 en is twee jaar gelede gediagnoseer. Ek het al van 17 depressie en wou toe al selfmoord pleeg.

Dit was die afgelope twee jaar vir my baie moeilik.

Ek is op medikasie, maar kry nog baie moeilike dae. Na ’n paar dae van insomnia raak ek vreeslik emosioneel en huil baie.

Ek weet ook nie of my medikasie werk nie. Ek gebruik tans Limotrigine, 150 mg soggens en 200 mg saans, Venlor 300 mg soggens. Rivotril wanneer ek baie ontsteld is of nie kan slaap nie.

Ek hanteer ook nie meer stres baie goed nie.

My lyf is deesdae baie seer. Soos spierpyne, partykeer krampe, veral in my bene.

Dit voel of mense my nie verstaan nie. Wil meestal alleen wees. Ek het die afgelope tyd ook baie gewig opgetel en drink ook Eltroxine vir my skildklier. Ek bly moeg en voel of ek die heeltyd net wil rus. Partykeer voel ek net om te lewe is te veel moeite en sien nie kans vir alles nie. Ek dink ook baie aan selfmoord.

Ek lees baie oor bipolêr op die internet, maar wil graag ook met iemand praat wat kan raad gee.

Ek hoop om gou van jou te hoor.

Groete

Nelia