Jy slaan jouself hoog aan as 'n soort 'teoloog', maar lyk my jy weet eintlik min van die Christendom. Daar is letterlik duisende verskillende denominasies/kerke en elkeen lê 'n ander klem op die Bybel, tekste waaraan minder of meer waarde geheg word. Die Katolieke het byvoorbeeld meer boeke in hulle Bybel as die protestantse kerke, die Mormone het ook ekstra stukke en baie goeie Christene wat ek ken glo nie alles in die Bybel nie. So, jy sit die pot totaal mis.

Jy kan nie namens hulle besluit hulle is nie goeie Christene nie, veral waar jy erken jy is 'n ateïs. Hoe kan jy dan 'n oordeel fel?

Ek het buitendien 'n sterk vermoede baie van die hedendaagse predikers/predikante/dominees is eintlik duiwelaanbidders in die geheim. Want waarom dra hulle donker pakke klere? As kind in die kerk onthou ek die dominee het 'n soort toga gedra - hulle het seker 'n ander naam daarvoor. Dit was nogal 'n grand stuk klerasie, dit het gelyk of dit van verskillende swart lappies gemaak is, met repe swart fluweel daarop. As hy wil bid, steek hy sy arms in die lug op, dan lyk hy soos 'n swart Engel wat wil vlieg. Vir my het dit gevoel of daar dan 'n soort bose atmosfeer in die kerk kom, dat ek bang word en amper my pennie laat val wat ek in my handjie vasklem om in die bordjie te gooi.

Hier duiwelaanbidders lê ook dan opsetlik klem op dele van die Bybel wat hulle weet mense sal wegdryf van die ware God en Jesus.

Gay ou man