Boekedag 2012: Louis Esterhuizen kies 'n karakter
As jy enige karakter in ’n boek kon wees, wie sou jy wees en waarom?
Een van my gunsteling-spanningsverhaalskrywers is die Spaanse skrywer Arturo Pérez-Reverte. Die karakter Lucas Corso in sy roman The Dumas Club (2003, Vintage) is loshande die een wat ek graag sou wou wees. Corso is ’n bibliofiel wat daarin spesialiseer om antikwariese boeke of historiese manuskripte vir sy kliënte op te spoor. ’n Boekspeurder, dus. In genoemde roman is hy byvoorbeeld op die spoor van die oorspronklike manuskrip van Alexander Dumas se The Three Musketeers. Wat ’n onvergeetlike karakter: ietwat menssku, obsessief en terselfdertyd heerlik eksentries.
Louis Esterhuizen is bestuurder van Protea Boekwinkel op Stellenbosch. Sy negende digbundel, Amper elders, het onlangs verskyn. Lees Bibi Slippers se onderhoud met Louis oor die Proteaprys vir poësie.
• Keer terug na die boekedag-indeksblad.